كتبت : شيماء سعيد
تصدر اسم الفنان عمرو وهبة قائمة الترند اليوم الاثنين، وذلك بسبب مرض نجله يحيى، الذي يرقد في المستشفى منذ أكثر من شهر.
وأفاد وهبة بأن الأطباء يواجهون صعوبة في تشخيص المرض، حيث يُعتقد أنه متعلق بمشاكل في جهاز المناعة، وربما نتيجة آثار الإصابة السابقة بفيروس كورونا.
وحرص وهبة على مشاركة متابعيه صورًا من المستشفى، طالبًا منهم الدعاء لابنه، حيث عبّر عن شكره لكل من ساند أسرته في هذه الأزمة. ولا تزال الأسرة تتابع الوضع الصحي للطفل مع الأطباء المتخصصين، على أمل التوصل إلى تشخيص واضح وخطة علاج مناسبة.
وقال الفنان عمرو وهبة عبر حسابه علي انستجرام: «شكراً لكل حد عارف ان يحيى تعبان وسأل او اتكلم او كتب كومنت واتصل وبعتذر انى مش بعرف ومش هعرف ارد على كل الناس عشان بقالى شهر تقريبا بحكى كل يوم كذا مره للناس والأهلِ والدكاتره والصحاب وعامه احنا لسه معرفناش بالظبط ايه المشكله ولا علاجها اللى عارفينه بس انه مشكله فى المناعه حصلت له بسبب الكوفيد».
وأضاف: «شكرا لأى حد مهتم انا عارف وحاسس والله ومن الناحيه الطبيه معانا دكاتره محترمه ومهتمه وعاملين اللى عليهم وزياده فا موضوع ترشيح الدكاتره مشكور طبعا بس دى مرحله عديناها وهى بس حاجه بتاخد وقت في التشخيص ونتمنى طبعاً ميطلعش فيه حاجه أصلاً وربنا يلطف ويخف وخلاص ومش عايز اعرف ده ايه…شكرا لاهتمام اللى كانو عارفين و اهتمو».
