كتبت – أميرة سلامة
دائمَا ما يهتم المواطنين في جمهورية مصر العربية والوطن العربي، بكافة الأخبار التي تخص الفنان عادل إمام وخاصة حالته الصحية، وذلك بعد ابتعاده عن الظهور الإعلامي منذ فترة طويلة، ودائمَا ما يسأل المحبين مع اقتراب موسم الدراما الرمضانية عن متى يعود عادل إمام للتمثيل مرة أخرى، الأمر الذي دفع المخرج رامي إمام للإجابة على تلك التساؤلات في برنامج بالعربيET.
الحالة الصحية للفنان عادل إمام
كشف الفنان رامي إمام، خلال استضافة في برنامج «بالعربيET» عن الحالة الصحية لوالده الزعيم الفنان عادل إمام، وخاصة بعد انتشار الشائعات عن تدهور حالته الصحية.
قال رامي إمام: «أنا مش بطلع أطمن حد لأن الحمد لله هو مفيش حاجة، وكلها إشاعات طول الوقت احنا بنسمعها ودا عادي، إحنا أتعودنا على دا، من أول ما كنت أنا صغير وسارة أختي ومحمد طول الوقت متعودين على الشائعات، إحنا مثلاً كنا نروح نسكن في شقة صغيرة، فجأة يقولك العمارة دي بتاعة عادل إمام، نروح نسكن في حته فوق مطعم يقولوا المطعم بتاع عادل إمام، طول عمرنا متعودين على كده، الحمد لله احنا خدنا مناعة».
وأضاف إمام: «طبيعي مع مرور الزمن الإشاعات نفسها بتاخد شكل مضخم على السن، فيقولك ده كبر فده تعبان، هو الحمد لله كويس جدًا جدًا جدًا بيستمتع مع أحفاده وأولاده، ومفيش أي حاجة وكل دي إشاعات، والناس عارفة والجمهور عارف كل حاجة وطبعًا بيسمع الإشاعات وبيتأثر بيها بشكل كبير، لكن هو فاهم كويس أوي ايه اللي بيتقال وازاي وعشان خاطر ايه».
هل يعود عادل إمام للتمثيل مرة أخرى؟
وعندما سئل عن إمكانية عودته مرة أخرى للساحة الفنية، قال: «وهو وجهة النظر بالنسبة له إنه هو عمل كل حاجة، فلو فيه أي دور هيتعرض عليه جديد تمامًا عن اللي عمله طبعًا ياريت، والموضوع مش اعتزال، وكل مرة بتسأل السؤال ده، وهو مش اعتزال طبعًا لكن الواحد بيوصل لمرحلة طب أنا دلوقتي عملت الشخصية دي والكاركتر ده والحمد لله أنجزت وأثر في تاريخ مصر بشكل كبير، طب ايه الخطوة اللي جاية، هعمل ايه؟، هل أنا بالنسبة لي هعمل دور مختلف عن اللي عملته أه أكيد في طموح وفيه فكر لكن لو مجتش حاجة مناسبة للحاجة في التوقيت ده اللي أنا عايزه، ليه أعملها، مش مجرد الظهور وخلاص ده عادل إمام».
